Արամ Հարությունյանին ազատեցին Կոտայքի մարզպետի պաշտոնից
Արամ Հարությունյանն այլևս չի զբաղեցնի Կոտայքի մարզպետի պաշտոնը: Այսօր կառավարության նիստում ՀՀ տարածքային կառավարման և արտակարգ իրավիճակների նախարար Արմեն Երիցյանը զեկուցեց, որ այլ աշխատանքի անցնելու կապակցությամբ Արամ Հարությունյանին ազատում են Կոտայքի մարզպետի պաշտոնից:
«Արամ Հարությունյանին այլ աշխատանքի ենք նշանակում»,- հաստատեց ՀՀ վարչապետ Հովիկ Աբրահամյանը: Կառավարության նիստի օրակարգում ընգրկված է նաև այդ պաշտոնում Գագիկ Ծառուկյանի փեսա, Աբովյանի քաղաքապետ Կարապետ Գուլոյանի նշանակման հարցը:
Սակայն մինչև ՀՀ նախագահը չստորագրի մարզպետի հրաժարականի մասին կառավարության որոշումը և պաշտոնը դե յուրե թափուր չլինի, նոր նշանակում չի կարող լինել:
