Եվրանեսթի նիստի մասնակիցները մեկ րոպե լռությամբ հարգեցին Վահան Հովհաննիսյանի հիշատակը
Ազգային ժողովում վերսկսվեց Եվրանեսթ ԽՎ-ի 4-րդ լիագումար նիստը: Նախքան օրակարգին անցնելը նիստի մասնակիցները մեկ րոպե լռությամբ հարգեցին Վահան Հովհաննիսյանի հիշատակը: Նիստը վարող Եվրանեսթ ԽՎ-ի համանախագահ Բորիս Տարասյուկը նշեց, որ Վ.Հովհաննիսյանը մեծ ավանդ ունի միջխորհրդարանական համագործակցության հիմնման գործում:
«Այսօր մեզ հետ չէ մեր հարգարժան գործընկերը՝ Վահան Հովհանիսյանը, ով մեծ ներդրում է ունեցել ԵՄ-ՀՀ խորհրդարանական համագործակցության կայացման գործում՝ համատեղելով պրոֆեսիոնալիզմը, հմայքը, սկզբունքայնությունը և ինտելեկտը»,- ասաց Բ.Տարասյուկը:
