ԵՄ-ն աշխատում է Ուկրաինային, Վրաստանին ու Մոլդովային օգնելու փաթեթի մշակման վրա
Новости-Грузия լրատվական գործակալության փոխանցմամբ՝ ԵՄ-ն աշխատում է Ուկրաինային, Վրաստանին ու Մոլդովային օգնելու փաթեթի մշակման վրա: Այս մասին հայտարարել է ներկայումս ԵՄ-ում նախագահող Լատվիայի արտգործնախարար Էդգարս Ռինկևիչը:
Նա ընդգծել է, որ այդ փաթեթը պետք է պատրաստ լինի մինչև մայիս, երբ Ռիգայում կանցկացվի «Արևելյան գործընկերության» գագաթաժողովը. «Մենք կարծում ենք, որ մնացյալ 2.5 ամսում կարող ենք աշխատել և առաջին հերթին այն բոլոր երեք երկրների համար օգնության փաթեթի վրա, որոնք ստորագրել են Ասոցացման համաձայնագիրը:
Խոսքն Ուկրաինայի, Վրաստանի ու Մոլդովայի մասին է: Այդ փաթեթը ԵՄ-ի գործընկերներին պետք է օգնի բարեփոխումներ անցկացնելու հարցում»:
