Պորոշենկոն Ազատության շքանշանով հետմահու պարգևատրել է Նեմցովին
Lenta.ru-ի փոխանցմամբ՝ Ուկրաինայի նախագահ Պյոտր Պորոշենկոն Ազատության շքանշանով հետմահու պարգևատրել է ռուս ընդդիմադիր գործիչ Բորիս Նեմցովին: Նեմցովն այդ պատվին արժանացել է ժողովրդավարության զարգացման, սահմանադրական իրավունքների պաշտպանության, մարդու ու քաղաքացու իրավունքների պաշտպանության, հասարակական-քաղաքական անձնազոհ գործունեության համար:
Պորոշենկոն հայտարարել է, որ Նեմցովն Ուկրաինայի ժողովրդի հիշողության մեջ կմնա որպես մարդ, որի համար ազատությունը եղել է ունիվերսալ արժեք, ինչը չի ճանաչում սահմաններ.
«Մեզ համար, ուկրաինացիների համար Նեմցովը մշտապես կմնա որպես Ռուսաստանի հայրենասեր ու Ուկրաինայի բարեկամ: Նա իր կյանքով ապացուցել է, որ դա կարելի է համատեղել, եթե միայն լինի այդպիսի ցանկություն»: