Կանաչ կոկտեյլները՝ որպես ճարպերի այրման հիանալի միջոց
Կանաչ բանջարեղենից և մրգերից պատրաստված կոկտեյլները հատկապես օգտակար են օրգանիզմը մաքրելու և ճարպերն այրելու համար։
Վիտամինների և հանքանյութերի բարձր պարունակության շնորհիվ նրանք կօգնեն հասնել էֆեկտիվ արդյունքների նիհարելու և մարմինը թույներից մաքրելու գործում։ Եվ այսպես՝
1. Կիվի, սպանախ և հազար (маро́ль (ֆրանս. Marolles))
Այս 3 մթերքների համադրությունը մեզ բջջանյութով, քլորոֆիլով և հակաօքսիդանտներով հարուստ հիանալի համեղ կոկտեյլով է ապահովում։ Ճարպերն այրելուց բացի՝ նրա մեջ եղած օգտակար նյութերը կօգնեն հաղթահարել սթրեսը և բարելավել մարսողական համակարգի աշխատանքը։
Բաղադրությունը՝
- 1 մաքրած կիվի
- սպանախի 5 տերև
- հազարի 5 տերև
- 1 բաժակ եռման ջուր
- 1 թ/գ մեղր
Պատրաստման եղանակը՝
Բոլոր բաղադրամասերը հարել բլենդերով և ավելացնել մեղրը։
Խորհուրդ է տրվում այս կոկտեյլն օգտագործել շաբաթը 3 անգամ՝ առավոտյան։
2. Նեխուր (քարավուզ), անանաս, թուրինջ (грейпфрут)
Բաղադրիչները՝
- նեխուրի 2 ցողուն
- հասած 2 թուրինջի հյութ
- 1 կտոր անանաս
- 1 թ/գ մեղր
Պատրաստման եղանակը՝
Բոլոր բաղադրամասերը հարել բլենդերով և ավելացնել անանուխի մի քանի թերթիկ։ Դրա բաղադրության մեջ եղած բջջանյութը նպաստում է օրգանիզմից ճարպերի և թույների դուրսբերմանը։
Այն անհրաժեշտ է խմել 5 օր շարունակ, առավոտյան՝ քաղցած փորին, ապա աստիճանաբար մտցնել ամենօրյա սննդակարգի մեջ։
Եթե օրգանիզմը նորմալ է արձագանքում այս կոկտեյլին, շարունակեք օգտագործել, հակառակ դեպքում բավարարվեք շաբաթը 1 անգամով։
3. Սպանախ, նեխուր, մաղադանոս, խնձոր և վարունգ
Բաղադրամասերը՝
- նեխուրի 1 ցողուն
- սպանախի 6 տերև
- կես բաժակ մաղադանոս
- 1 միջին չափի միջուկը և կորիզները հանած, բայց կեղևը չմաքրած կանաչ խնձոր
- կես վարունգ
- կես կիտրոն
Պատրաստման եղանակը՝
Բոլոր մթերքները հարել բլենդերով մինչև համասեռ զանգված դառնալը և ավելացնել կես կիտրոնի հյութ։
Այս հյութը պետք է խմել 10 օր շարունակ, առավոտյան։
Այն С և В6 վիտամինների, բջջանյութի, ֆոլաթթվի, օմեգա-3 ճարպաթթվի, ֆիտոնուտրիենտների և հակաօքսիդանտների անհավատալի շտեմարան է։
Բոլոր 3 կոկտեյլներն էլ, օրգանիզմի ճարպերը այրելուց բացի, օրգանիզմից դուրս են բերում հեղուկը:
Այդ պատճառով էլ այս հյութերը խմելու օրերին հատկապես չմոռանաք բավարար քանակությամբ ջուր խմել։
Պետք է հիշել, որ այս կոկտեյլները չի կարելի խմել տևական ժամանակ, իսկ ալերգիաների կամ մարսողական խնդիրներ նկատվելու դեպքում անմիջապես դադարեցնել այդ հյութերի գործածումը։
Նյութը հրապարակման պատրաստեց ԳՈՀԱՐ ՍԱՎԶՅԱՆԸ
