Նվիրեք մեկ օր բջջանյութով հարուստ սննդին
Սննդաբան (դիետոլոգ), գաստրոէնտերոլոգ Վարդանուշ Պետրոսյանը իր ֆեյսբուքյան էջում գրում է.
«Կարող եք օրը սկսել որևէ հացահատիկային ուտեստից, որը պարունակում է բջջանյութ կամ թեփ: Կամ ուղղակի ձեր նախընտրած հացահատիկային շիլային կարելի է ավելացնել մի քանի ճաշի գդալ չմշակված ցորենի թեփ և հատապտուղներ: Համեղ և հագեցնող տարբերակ է բանանով խառնած վարսակի փաթիլներով շիլան:
Օգտվեք կեսօրյա ընդմիջմանը նախաճաշելու հնարավորությունից
Ավելի շատ բջջանյութի պաշար կարելի է ստանալ կեսօրյա նախաճաշին՝ ընտրելով որևէ բան լոբազգիների ընտանիքից: Օրինակ կարելի է միջին մեծության տավարի մսով կոտլետի փոխարեն պատրաստել նույն չափսի կոտլետ սև լոբով, որը մոտ 15գր բջջանյութ կարող է պարունակել, կարելի է նորից մի փոքր չմշակված ցորենի թեփ ավելացնել (ևս 2գր բջջանյութ) և վայելել սա ինչ-որ մի մրգով, օրինակ՝ նարնջով, որը ևս 3 գր բջջանյութի աղբյուր է: Շատ լավ տարբերակներ են սիսեռը, սպանախը (ոչ սեզոնին՝ սառեցրած սպանախ):
Կարելի է ուղղակի աղցանների ու սուպերի մեջ ավելացնել լոբազգիներից ձեր նախընտրելին:
Ճաշ- Ճաշի ժամին հիշեք, որ ձեր ափսեի կեսը պետք է լցված լինի մրգերով ու բանջարեղենով, իսկ մյուս մասը՝ կիսով չափ սպիտակուցներով հարուստ, բայց ոչ յուղալի ուտելիքով, կիսով չափ էլ՝ ամբողջական հացահատիկներով սնունդով:
Շատ լավ տարբերակ է բանջարեղենային աղցանը՝ հորթի կողամսի անյուղ կտորներով և եգիպտացորենով: Համոզված եղեք, որ 10գր բջջանյութը ևս ապահովված է: Եթե եփած բանջարեղեն եք նախընտրում, կարող եք դրանք շոգեխաշել կամ սուպ պատրաստել: Վերջում էլ քաղցրի պահանջը լրացրեք մրգերով:
Ընթրիք- Օրը կարելի է հաջողությամբ եղրափակել մի փոքր աման լի հատապտուղներով: Իհարկե եթե հատապտուղներ չկան, մրգերն ու բանջարեղենները պակաս օգնականներ չեն այս հարցում: Շատ լավ է նաև ընդեղենը (1-2 բուռ խառը ընդեղենը)»:
