Ադրբեջանում դատախազության աշխատակիցները խուզարկել են «Ազատություն» ռադիոկայանի գրասենյակը
Ադրբեջանական Turan լրատվական գործակալության փոխանցմամբ` Ադրբեջանի գլխավոր դատախազության աշխատակիցներն այսօր առավոտյան եկել են «Ազատություն» ռադիոկայանի ադրբեջանական ծառայության Բաքվի գրասենյակ և սկսել են խուզարկություն անցկացնել:
Խուզարկությունն անցկացվել է դատական որոշման հիման վրա: Խուզարկության ժամանակ գրասենյակում անջատվել են հեռախոսներն ու համացանցը, իսկ գրասենյակի աշխատակիցներին չեն թույլատրել մոտենալ իրենց համակարգիչներին:
Գլխավոր դատախազության մամլո ծառայության ղեկավար Էլդար Սուլթանովը գայտարարել է, որ խուզարկության անցկացումը կապված է Ծանր հանցագործությունների գծով հետաքննչական վարչության վարած քրեական գործի հետաքննման հետ: Դրա հետ մեկտեղ նա չի մանրամասնել, թե քրեական որ գործի մասին է խոսքը:
