Դալայ-լաման չի հավատում Երրորդ համաշխարհային պատերազմի հնարավորությանը
Ռուսական РИА Новости լրատվական գործակալության փոխանցմամբ` Դալայ-լաման հայտարարել է, որ չի հավատում Երրորդ համաշխարհային պատերազմի հնարավորությանը: Նա նաև ընդգծել է, որ աշխարհում աշխարհաքաղաքական իրավիճակի բարելավման համար անհրաժեշտ է հրաժարվել «յուրայինների» ու «օտարների» բաժանելուց.
«Չեմ կարծում, որ գոյություն ունի Երրորդ համաշխարհային պատերազմի իրական վտանգ: Հազիվ թե, որևէ մեկը համարձակվի կիրառել միջուկային զենք: Մի՞թե կգտնվի այնպիսի խելագար, որը կունենա կոճակը սեղմելու հնարավորություն»: Նա նաև ընդգծել է, որ ներկայումս աշխարհում իրավիճակն իսկապես շատ բարդ է:
