Իրանի ու «Վեցյակի» նոյեմբերյան բանակցությունների տապալման մեջ առանցքային դեր է խաղացել Իսրայելը. Նեթանյահու
Ռուսական РИА Новости լրատվական գործակալության փոխանցմամբ՝ Իսրայելն առանցքային դեր է խաղացել նոյեմբերին Իրանի միջուկային ծրագրի շուրջ անցկացված բանակցությունների տապալման մեջ՝թեպետ Իսրայելն ընդգրկված չէ «Վեցյակի» կազմում: Այս մասին հայտարարել է Իսրայելի վարչապետ Բենիամին Նեթանյահուն:
Նա դատապարտել է Իրանի ու միջազգային հանրության միջև վերջնական գործարքի ստորագրման նախապատրաստությունը՝ դա որակելով որպես «վատ գործարք», քանի որ այն Իրանին հնարավորություն է տալիս ամրագրել միջուկային պետության շեմին գտնվելու իր կարգավիճակը.
«Գործարքը, որը չստորագրվեց նախորդ ամիս, ըստ էության, պահպանում էր միջուկային երկրի շեմին գտնվելու Իրանի կարգավիճակը: Անգամ չնայած նրան, որ Իսրայելը չի մտնում «Վեցյակի» մեջ՝ մեր ձայնն ու մեր մտահոգություններն առանցքային դեր խաղացին վատ համաձայնագրի ստորագրումը թույլ չտալու հարցում»:
