Վենեսուելայում ընդդիմադիր առաջնորդին մեղադրել են Մադուրոյի սպանությունը նախապատրաստելու մեջ
Բրիտանական Reuters լրատվական գործակալության փոխանցմամբ` Վենեսուելայի իշխանությունները մեղադրանք են ներկայացրել ընդդիմադիր առաջնորդ Մարիա Կորինա Մաչադոյի նկատմամբ, որ նա մասնակցել է նախագահ Նիկոլաս Մադուրոյին սպանելու նպատակով ենթադրյալ դավին:
Մեղադրանք ներկայացնելուց հետո ընդդիմադիր գործչին չեն վերցրել կալանքի տակ: Մաչադոն իր կողմնակիցներին կոչ է արել պայքարել ժողովրդավարության ու ազատության համար: Եթե Մաչադոն մեղավոր ճանաչվի, ապա նրան կարող են ազատազրկել 8-16 տարի ժամկետով:
47-ամյա Մաչադոն գտնվել է այս տարեսկզբին գործող իշխանությունների դեմ կազմակերպված փողոցային խոշոր ակցիաների առաջնագծում: Դրանց ժամանակ զոհվել էին տասնյակ անձինք:
