Պուտինը հոգեբանական մեծ պատերազմ է սկսել Եվրոպայի դեմ. Խոդորկովսկի
Ռուսական Дождь հեռուստաալիքի փոխանցմամբ` «ՅՈՒԿՕՍ» ընկերության նախկին ղեկավար Միխայիլ Խոդորկովսկին Եվրախորհրդարանում ունեցած ելույթում հայտարարել է, որ քաղաքական մեծ սխալ է Ռուսաստան պետության դեմ պատժամիջոցներ սահմանելը.
«Քանի դեռ աշխարհը քննարկում է պատժամիջոցները, Պուտինը Կրեմլում ընդունում է Ինտերպոլի ղեկավարին, և ըստ էության, շնորհակալություն է հայտնում նրան` ընդդիմության դեմ պայքարում օգնելու համար: Ներկայումս Կրեմլում ու նրա շուրջ հավաքվում են ավելի ու ավելի շատ մարդիկ, որոնք անկեղծ հույսեր են կապում Եվրոպայի արագ «մայրամուտի» հետ:
Կրեմլը հավանաբար իր ուժերի ու հնարավորությունների սահմաններում «ցնցելու» է Եվրոպան: Պուտինն արդեն իսկ հոգեբանական մեծ պատերազմ է սկսել Եվրոպայի դեմ: Դա նոր «Սառը պատերազմ» է, ընդ որում` ոչ մեկ տարով»:
