ԵՄ-ը Վրաստանի շրջանների զարգացման համար կհատկացնի 30 միլիոն եվրո
Новости-Грузия լրատվական գործակալության փոխանցմամբ՝ Վրաստան-ԵՄ Ասոցացման խորհրդի առաջին նիստի շրջանակներում հաստատվելու է Վրաստանի շրջանների զարգացման համար ԵՄ-ի կողմից 30 միլիոն եվրո օգնություն հատկացնելու փաթեթը:
Այս մասին լրագրողների հետ զրույցում հայտարարել է Վրաստանի արտգործնախարար Թամարա Բերուչաշվիլին: Վրաստան-ԵՄ Ասոցացման խորհրդի առաջին նիստը, որին մասնակցելու է նաև Վրաստանի վարչապետ Իրակլի Գարիբաշվիլին, անցկացվելու է այսօր Բրյուսելում:
Գարիբաշվիլին Բրյուսելում հանդիպումներ է ունենալու նաև ՆԱՏՕ-ի գլխավոր քարտուղար Յենս Սթոլթենբերգի ու Եվրախորհրդարանի նախագահ Մարտին Շուլցի հետ:
