«Քրդական հարցի» կարգավորումը Թուրքիայի ներքին խնդիրն է. Ջոն Բասս
Թուրքական Dünya Bülteni լրատվական կենտրոնի փոխանցմամբ՝ Թուրքիայում ԱՄՆ դեսպան Ջոն Բասսը լրագրողների հետ զրույցում անդրադարձել է «Քրդական հարցի» կարգավորման խնդրին: Թուրք լրագրողները Բասսին հարցրել են, թե արդյոք ԱՄՆ-ը կարգավորման գործընթացում չի դառնա՞ երրորդ կողմ:
Բասսը, սակայն, բացասական պատասխան է տվել՝ ընդգծելով, որ կարգավորման գործընթացը Թուրքիայի ներքին խնդիրն է, և որ դա թուրքերի լուծելու հարցն է: Բասսը հերքել է այն պնդումը, թե ԱՄՆ-ը պատրաստվում է ահաբեկչական կազմակերպությունների իր ցուցակից հանել «Քրդստանի աշխատավորական» կուսակցությանը (PKK):
