Պայթած «Գազելը» պատկանում էր ԲՀԿ-ական պատգամավորի ընկերությանը. NEWS.am
Նոյեմբերի 10-ին Շիրակի մարզում վթարի ենթարկված երթուղային «Գազել» մակնիշի միկրոավտոբուսը պատկանում էր ԲՀԿ-ական պատգամավոր Մարտուն Գրիգորյանի «Տրանս ակնթարթ» ընկերությանը։
NEWS.am-ի թղթակցի հետ զրույցում Մարտուն Գրիգորյանը հայտնեց, որ իր տեղեկություններով միկրոավտոբուսը սարքին է եղել, արագությունը՝ նորմայի սահմաններում, ընթացել է իր ուղղությամբ՝ առանց խախտում անելու, բեռնատարը եկել է Արթիկի կողմից, «Գազելը»՝ Մարալիկի, խաչմերուկում բեռնատարը չի զիջել ու հարվածել է «Գազելին»։
Բեռնատարի վարորդը, ըստ Մարտուն Գրիգորյանի, փորձառու է եղել. «Ականատես վարորդները ինձ պատմեցին, որ «Գազելը» որեւէ խախտում չի արել։ Մարալիկում մի պահ կանգնել է, ուղեւոր իջեցրել եւ շարունակել ճանապարհը, ու հետո խաչմերուկում էդ դեպքը պատահել է»,- ասաց Մարտուն Գրիգորյանը։
Ամբողջությամբ՝ սկզբնաղբյուր կայքում:
