Կյանքից հեռացել է հայտնի ռեժիսոր Յուրի Լյուբիմովը
Կյանքից հեռացել է լեգենդար ռեժիսոր եւ բեմադրիչ, Մոսկվայի հայտնի Տագանկայի թատրոնի հիմնադիր Յուրի Լյուբիմովը: Նա 97 տարեկան էր, տառապում էր սրտի անբավարարությունից եւ մահացել է հիվանդանոցում:
Իր երկարատեւ ստեղծագործական կյանքի ընթացքում Լյուբիմովը հանդես է եկել Վախտանգովի անվան թատրոնում, Մոսկվայի գեղարվեստական ակադեմիական թատրոնում (МХАТ): Այնուհետեւ հիմնադրել է Տագանկայի թատրոնը եւ գրեթե կես դար աշխատել այնտեղ՝ բեմադրելով ավելի քան 50 ներկայացում, որոնք մեծ հաջողություն են վայելել հանդիսատեսի շրջանում:
