Սերժ Սարգսյանն ու Բակո Սահակյանն այցելել են Թաղավարդ գյուղի ձեթի գործարան
Հայաստանի Հանրապետության եւ Արցախի Հանրապետության նախագահներ Սերժ Սարգսյանն ու Բակո Սահակյանը օգոստոսի 31-ին այցելել են Մարտունու շրջանի Թաղավարդ գյուղ ու ծանոթացել այնտեղ գործող ձեթի գործարանի աշխատանքներին, հայտնում է ԼՂՀ նախագահի պաշտոնական կայքը։
Նախագահ Սահակյանը կարեւորել է նման գործարանի առկայությունը` նշելով, որ այն մեծապես խթանում է տեղական արտադրությունը` բնակչությանը մատակարելով որակյալ ապրանքներ: Նախագահներին ուղեկցում էին ՀՀ վարչապետ Հովիկ Աբրահամյանը, ԼՂՀ վարչապետ Արա Հարությունյանը, փոխվարչապետ Արթուր Աղաբեկյանը, պաշտոնատար այլ անձինք:
