Օբաման խոստովանել է, որ ԱՄՆ-ը չունի Սիրիայում «Իսլամական պետության» դեմ պայքարելու ռազմավարություն
Ամերիկյան CNN հեռուստաալիքի փոխանցմամբ՝ ԱՄՆ նախագահ Բարաք Օբաման Սպիտակ տանը հայտարարել է, որ ԱՄՆ-ը դեռ չգիտի, թե ինչպես պայքարի Սիրիայում «Իսլամական պետություն» խմբավորման զինյալների դեմ. «Ես չեմ ցանկանում սայլը դնել ձիուց առաջ: Մենք դեռ չունենք ռազմավարություն»:
Օբաման ընդգծել է, որ արդեն իսկ պաշտպանության նախարարության ներկայացուցիչներին հրաման է տվել զբաղվել գործողությունների կոնկրետ պլանի մշակմամբ: Օբամայի խոսքերով՝ այդ պլանի կազմման համար կպահանջվի ոչ քիչ ժամանակ. «Բացի այդ, մենք չենք պատրաստվում դրանով զբաղվել միայնակ»:
Օբամայի այս հայտարարությունն արժանացել է ամերիկացի քաղաքական գործիչների, լրագրողների ու շարքային ամերիկացիների քննադատությանը:
