Սիրիացի փախստականների թիվն աճել է մինչև 3 միլիոնի
France-Presse լրատվական գործակալության փոխանցմամբ՝ սիրիացի փախստականների թիվն աճել է մինչև 3 միլիոնի: Այս մասին հայտնել է ՄԱԿ-ի՝ փախստականների հարցերով գերագույն հանձնակատարի վարչությունը:
Վերջինիս զեկույցում նշված է, որ սիրիացիների գրեթե կեսը փրկվելու համար հարկադրված է եղել լքել իր տները և փախչել: Յուրաքանչյուր ութերորդ սիրիացին հատել է սահմանը: Վերջին մեկ տարում գրեթե մեկ միլիոն քաղաքացի դարձել է փախստական:
Մնացյալ 6.5 միլիոն սիրիացիները մնացել են Սիրիայի տարածքում, սակայն լքել են իրենց հարազատ տները: Նրանց կեսից ավելին երեխաներ են: ՄԱԿ-ի տվյալներով՝ Սիրիական հակամարտության հետևանքով զոհվել է ավելի քան 191.000 մարդ:
