Վրաստանը չի միանում Ռուսաստանի դեմ տնտեսական պատժամիջոցներին

Gazeta.ru-ի փոխանցմամբ՝ Վրաստանը չի միանում Ռուսաստանի դեմ տնտեսական պատժամիջոցներին: Վրաստանի կառավարությունը Եվրահանձնաժողովից պաշտոնական դիմում չի ստացել այդ մասին:

Այս մասին հայտարարել է Վրաստանի գյուղատնտեսության նախարար Օտար Դամենիան՝ մեկնաբանելով Եվրահանձնաժողովի ներկայացուցիչ Փիթեր Ստանոյի հայտարարությունը.

«Մենք հաշվի ենք առնելու միայն պաշտոնական հայտարարություններն ու Վրաստանի կառավարությանը հասցեագրած դիմումները, իսկ այդպիսի դիմում չի եղել»:

Ավելի վաղ Վրաստանի վարչապետ Իրակլի Գարիբաշվիլին հայտարարել էր, որ իրենք պատրաստ են մեծացնել Ռուսաստան գյուղատնտեսական արտադրանքի արտահանումը: