Ուկրաինայի իշխանություններն արգելել են Euronews-ի ռուսալեզու տարբերակի հեռարձակումը

Lenta.ru-ի փոխանցմամբ՝ Ուկրաինայի հեռուստա և ռադիո հեռարձակման գծով ազգային խորհուրդը կարգադրել է անջատել Euronews հեռուստաալիքի ռուսալեզու տարբերակի հեռարձակումը: Այս մասին նշված է գերատեսչության կայքում:

Գերատեսչության ղեկավարի առաջին տեղակալ Օլգա Գերասիմյուկը ռուսալեզու տարբերակն անվանել է ռուսական քարոզչության գործիք, քանի որ նրանում աշխատում են ռուս լրագրողներ:

Սրանից առաջ էլ Ուկրաինայի իշխանությունները կասեցրել էին ռուսական մի շարք հեռուստաալիքների հեռարձակումը: Դրանց թվում էին հայտնվել Первый канал. Всемирная сеть, РТР-Планета, Россия 24, НТВ-Мир, ТВ Центр-Иnternational հեռուստաալիքները: