Ռուսաստանի զինված ուժերը կհամալրվեն նորագույն սպառազինությամբ. Պուտին
Ռուսական РИА Новости լրատվական գործակալության փոխանցմամբ՝ Ռուսաստանի նախագահ Վլադիմիր Պուտինը Յալթայում Պետդումայի պատգամավորների հետ հանդիպման ժամանակ հայտարարել է, որ ռուսական բանակը համալրվելու է հարձակողական ու պաշտպանողական նորագույն սպառազինությամբ, որից չունեն աշխարհի մյուս բանակները.
«Խոսքը գնում է ամենաժամանակակից սպառազինության, այնպիսի հարձակողական ու պաշտպանողական համակարգերի մասին, որոնցից դեռ չունեն աշխարհի մյուս բանակները: Մենք դեռ կերջանկացնենք մեր գործընկերներին: Ռուսաստանն ունի իր անվտանգությունն ապահովելու մեծ զինանոց:
Ռուսաստանը, ինչպես և յուրաքանչյուր այլ մեծ պետություն, օժտված է իր ազգային շահերն ապահովելու տարբեր միջոցներով»: Պուտինը հաստատել է Ղրիմում առանձին ռազմական խմբավորում ստեղծելու մասին ծրագիրը: Պուտինի խոսքերով այդ ծրագիրը չի լինի շատ ծախսատար:
