Ըստ ԱՎԾ-ի՝ շարունակում ենք հարստանալ
Այս տարվա առաջին կիսամյակում 2013 թ. նույն ժամանակահատվածի հետ համեմատ սպառողական գների ինդեքսն աճել է 4.0%-ով: Ըստ Ազգային վիճակագրական ծառայության այսօր հրապարակած տվյալների` նույն ժամանակաշրջանում միջին անվանական աշխատավարձի աճը կազմել է 7.1%:
Այսինքն, պաշտոնական տվյալները «փաստում» են, որ Հայաստանի բնակչության գնողունակությունը բարձրացել է: Սա դեռ այն դեպքում, երբ պետական հատվածում աշխատողների աշխատավարձի ավելացումը հուլիսից է եղել և դեռևս հաշվառված չէ ԱՎԾ կողմից:
Ի դեպ, պետական հատվածում աշխատավարձերի աճը զիջում է մասնավոր հատվածի աշխատավարձերի աճին, մասնավորապես` պետական աշխատողներն առաջին կիսամյակում ստացել են 5.0%-ով ավելի, իսկ մասնավորները` 9.1%-ով ավելի աշխատավարձ:
