Իսրայելը հրետանային հարված է հասցրել Լիբանանի տարածքին
Ռուսական РИА Новости լրատվական գործակալության փոխանցմամբ՝ իսրայելական հրետանին հրետակործել է Լիբանանի սահմանային շրջանները՝ ի պատասխան այտեղից հրթիռ արձակելու, որը չի հանգեցրել զոհերի ու ավերածությունների: Այս մասին հայտնել է Իսրայելի բանակի մամլո ծառայությունը:
Իսրայելի հյուսիսի ուղղությամբ հրթիռ արձակելը համընկել է այս շաբաթ Գազայի հատվածի զինյալների դեմ Իսրայելի ռազմական գործողությանը: Իսրայելն օդից ու ծովից հարվածներ է հասցնում Գազայի հատվածին՝ ի պատասխան այնտեղից իսրայելական քաղաքների ու բնակավայրերի հրթիռակոծության: Իսրայելական ռազմական գործողության հետևանքով Գազայի հատվածում զոհերի թիվը հասել է 98-ի: Կա նաև 670 վիրավոր:
Լիբանանից արձակված հրթիռն ընկել է սահմանային Մետուլա քաղաքի մոտ, ինչից հետո իսրայելցի զինվորականները հարվածել են այն տեղանքին, որտեղից արձակվել է հրթիռը: Վերջին տարիներին Իսրայելի հյուսիսը քանիցս հրթիռակոծվել է Լիբանանի տարածքից, ուր գործում է Իսրայելի ամենազորեղ հակառակորդներից շիական «Հզբոլլահ» շարժումը:
