Սամվել Բալասանյանը գիշերային շրջայց է կատարել
Երեկ՝ հուլիսի 2-ին, Գյումրիի քաղաքապետ Սամվել Բալասանյանը գիշերային շրջայց է կատարել քաղաքում՝ ծանոթանալով ընթացող փողոցային լուսավորման աշխատանքների արդյունքներին: Այս մասին տեղեկացնում են Գյումրիի քաղաքապետարանից: Բալասանյանը մասնավորապես ներկա է գտնվել Երևանյան խճուղու փողոցային լուսավորման նոր համակարգի փորձարկմանը, որի երկկողմանի լուսավորության համակարգը բաղկացած է խնայողական նոր լամպերից, ինչի ծախսատարությունը զգալիորեն զիջում է նախկինում օգտագործված լամպերին: Բալասանյանը խոստացել է, որ նմանատիպ լամպերով կլուսավորվեն նաև քաղաքի այլ փողոցներ:
