Նեթանյահուն հայտարարել է Իրանի դեմ գործողության անխուսափելիության մասին

Իսրայելի վարչապետ Բենիամին Նեթանյահուն նախորդ երեկոյան անվտանգության հարցերով խորհրդակցության ժամանակ հայտարարել է, որ Իրանի դեմ ռազմական գործողությունն անխուսափելի է, հաղորդում են իսրայելական լրատվամիջոցները։

13-րդ հեռուստաալիքի տվյալներով՝ Իսրայելի պաշտպանության բանակի (ՑԱԽԱԼ) բարձրաստիճան սպան հաստատել է, որ իսրայելցի զինվորականներն ԱՄՆ զինված ուժերի կենտրոնական հրամանատարության (CENTCOM) հետ համաձայնեցրել են գործողությունների համատեղ ծրագրերը։

«ՑԱԽԱԼ-ն ու CENTCOM-ն ունեն համատեղ համաձայնեցված ծրագրեր։ Հարցը ժամկետների մեջ է»,- հայտարարել է սպան։

Ըստ նրա՝ Իսրայելն ու ԱՄՆ-ը սպասում են հետագա գործողությունների վերաբերյալ նախագահ Դոնալդ Թրամփի որոշմանը, ինչպես նաև գործողությունն իրականացնելու համար հարմար պահի։

Այս հաղորդագրությունը հրապարակվել է CENTCOM-ի ղեկավար, ծովակալ Բրեդ Կուպերի՝ ՑԱԽԱԼ-ի գլխավոր շտաբի պետ, գեներալ-լեյտենանտ Էյալ Զամիրի և Իսրայելի ուժային կառույցների այլ բարձրաստիճան ներկայացուցիչների, այդ թվում՝ «Մոսադի» ղեկավար Ռոման Գոֆմանի հետ հանդիպումից հետո։ Հանդիպումը տեղի է ունեցել նախորդ օրը։

Բանակցություններից հետո Կուպերը մեկնել է Սաուդյան Արաբիա, որտեղ նախատեսված են նրա հանդիպումները Պարսից ծոցի երկրների ներկայացուցիչների հետ։

Տեսանյութեր

Լրահոս

Լուրերի օրացույց

Նոյեմբեր 2026
Երկ Երե Չոր Հնգ Ուրբ Շաբ Կիրակի
« Հոկտեմբեր    
 1
2345678
9101112131415
16171819202122
23242526272829
30