Զաքիր Հասանովը հրաման է արձակել տասնապատիկ պատասխան տալ գնդակոծություններին. աղբյուր
Ադրբեջանական Trend լրատվական գործակալության փոխանցմամբ` Ադրբեջանի պաշտպանության նախարար, գեներալ-գնդապետ Զաքիր Հասանովը երեկ հրաման է արձակել «հայկական կողմի գնդակոծություններին տասնապատիկ պատասխան տալու» մասին:
Այս մասին գործակալությանը հայտնել են նրա հուսալի աղբյուրները: Նշվում է, որ վերջին շրջանում լարված իրավիճակ է տիրում շփման գծում, մշտապես խախտվում է հրադադարի ռեժիմը:
Սրանից առաջ ԵԱՀԿ Մինսկի խմբի ամերիկացի համանախագահ Ջեյմս Ուորլիքը հայտարարել էր, որ շփման գծում իրականացվող դիվերսիաներն արգելակում են բանակցային գործընթացը:
