Քաղաքապետարանի աշխատասենյակից պայուսակ են գողացել
Հունիսի 17-ին, ժամը 18.30-ին, ոստիկանության Մասիսի բաժնում հաղորդում էր ստացվել, որ Մասիսի քաղաքապետարանի մի աշխատասենյակից գողացել են պայուսակ, որի մեջ եղել է բանկային քարտ, կառավարման ակադեմիայի դիպլոմ և վկայական:
Ձեռնարկված օպերատիվ-հետախուզական միջոցառումների շնորհիվ պարզվել է, որ գողությունը կատարել է 1972 թ. ծնված Հրաչ Ա.-ն, որը բերման է ենթարկվել:
Գողոնը մասամբ առգրավված է:
Կատարվում է քննություն:
ՀՀ Ոստիկանություն
