Ճարտարի 120 տեղանոց մանկապարտեզը պատրաստ կլինի հաջորդ տարի
«Ղարաբաղի գյուղերի զարգացման» հիմնադրամի հիմնադիր Վլադիմիր Ավագյանի հովանավորությամբ ԼՂՀ Մարտունու շրջանի Ճարտար գյուղում 120 տեղանոց մանկապարտեզ է կառուցվում:
Բարերարը մանկապարտեզի նոր շենք կառուցելու հովանավորությունը ստանձնել է իր այցերից մեկի ժամանակ, երբ ծանոթացել է ներկայիս մանկապարտեզի պայմաններին։
Մանկապարտեզի շենքը վերանորոգման ենթակա չէ, ուստի որոշվել է նորը կառուցել՝ ժամանակակից չափանիշներին համապատասխան։
Շինարարական աշխատանքները մեկնարկել են երկու ամիս առաջ, որոնք կավարտվեն հաջորդ տարի։
karabakh-open.info
