Իրանի ցամաքային զորքերի հրամանատարը հայտարարել է PKK-ի իրանական թևի զինյալների ոչնչացման մասին
![](https://168.am/wp-content/uploads/2014/06/534670406.jpg)
Իրանական Fars լրատվական գործակալության փոխանցմամբ՝ Իրանի ցամաքային զորքերի հրամանատար, գեներալ Ահմադ Ռեզա Փուրդաստանը երեկ հայտարարել է, որ իր զորքերը ոչնչացրել են քուրդ զինյալների խմբին, երբ վերջինս փորձել է Իրաքի սահմանից մուտք գործել երկրի տարածք.
«Ահաբեկիչների խումբը փորձել է հատել սահմանը և ներթափանցել երկրի տարածք: Եվ այնուամենայնիվ, նրանց չի հաջողվել անել դա՝ շնորհիվ իրանցի զինծառայողների զգոնության»:
Գեներալը չի հայտնել, թե որքան զինյալ է սպանվել: Փոխարենը նա հայտարարել է, որ նրանք բոլորն էլ հանդիսացել են քրդական PEJAK (PKK-ի իրանական թև) ծայրաղեկական խմբավորման անդամներ:
Փուրդաստանը հավելել է, որ ծայրահեղականների խմբի մոտ հայտնաբերվել է մեծ քանակությամբ պայթուցիկ նյութ, ինչը, ամենայն հավանականությամբ, նախատեսված է եղել Իրանի տարածքում դիվերսիա անցկացնելու համար: