Սարգսյանի այցը տեղի ունեցավ Վրաստանի ու Հայաստանի կողմից կարևոր նոր քայլեր գործելու շեմին. Մարգվելաշվիլի
Новости-Грузия լրատվական գործակալության փոխանցմամբ՝ Վրաստանի նախագահ Գեորգի Մարգվելաշվիլին Թբիլիսում հանդիպել է Հայաստանի նախագահ Սերժ Սարգսյանի հետ:
Հանդիպումից հետո կազմակերպված մամուլի ասուլիսի ժամանակ Մարգվելաշվիլին ընդգծել է ԵՄ-ի հետ Վրաստանի կողմից Ասոցացման համաձայնագիր ստորագրելու ու Մաքսային միությանը Հայաստանի անդամակցելու շեմին Սարգսյանի կատարած թբիլիսյան այցի կարևորությունը.
«Շատ կարևոր է, որ իմ նախագահ ընտրվելուց 4 ամիս անց այցելեցի Երևան: Շատ ջերմ հանդիպում էր: Կարևոր է, որ մեր մերձակա հարևան ու ընկեր, Հայաստանի նախագահը մեկ տարում պատասխան այցով եկավ մեզ մոտ: Դրանով ընդգծվում են մեր սերտ համագործակցությունն ու ապագա համագործակցության հեռանկարները:
Այսօր Վրաստանի նախագահական նստավայրում տեղի ունեցած հանդիպումը շատ կարևոր մեր երկրների կողմից նոր կարևոր քայլեր անելու շեմին. հունիսի 27-ին Վրաստանը ստորագրում է ԵՄ-ի հետ Ասոցացման համաձայնագիրը, իսկ մեր հարևանները միանում են Մաքսային միությանը:
Վրաստանի ու Հայաստանի հետ սերտ համագործակցությունը միայն դրական արդյունքներ կտա երկու կողմին էլ: Ես ընդգծում եմ Հայաստանի հետ առևտրային հարաբերությունները, ուր նկատվում է դրական դինամիկա, և ցանկանում եմ շնորհակալություն հայտնել իմ գործընկերոջը՝ պարոն Սարգսյանին, որ հիմնական բոլոր ուղղությունների շուրջ ունենք միանման հայացքներ, այդ թվում նաև մշակութային, գիտական ու կրթական ոլորտներում: Մենք միանման ենք նայում ապագային»:
Հայաստանի նախագահն իր հերթին իր գործընկերոջը շնորհակալություն է հայտնել ջերմ ընդունելության ու կառուցողական երկխոսության համար:
