Իրանը կտրականապես դեմ է Իրաքում ԱՄՆ-ի ռազմական միջամտությանը
Թուրքական Anadolu լրատվական գործակալության փոխանցմամբ՝ Իրանի ԱԳՆ-ի խոսնակ Մարզիյե Աֆհամը հայտարարել է, որ Իրանի ղեկավարությունը կտրականապես դեմ է Իրաքում ԱՄՆ-ի ռազմական միջամտությանը՝ կապված իրաքյան վերջին զարգացումների հետ:
Աֆհամի խոսքերով՝ Իրանը մեծ ուշադրությամբ հետևում է Իրաքի զարգացումներին կարծում է, որ ահաբեկչական հարձակումները կապված են Իրաքում անցկացված խորհրդարանական վերջին ընտրությունների հետ, որոնց արդյունքներն անցանկալի են եղել մի շարք երկրների համար:
Աֆհամի խոսքերով՝ միջազգային հանրությունը պետք է աջակցի Իրաքի կառավարությանը՝ ահաբեկչական ու արմատական խմբավորումների վտանգը վերացնելու համար:
