Ինչ ընթացք է ստացել «Մոսկվիչկա» սուպերմարկետի մոտ հայտնաբերված ռուս երաժշտի քրեական գործը
2014 թ. մայիսի 6-ին Հյուսիսային պողոտայում՝ «Մոսկվիչկա» սուպերմարկետի հարևանությամբ հայտնաբերվել էր ՌԴ քաղաքացի, երաժիշտը Պավել Ալմազովի դին։ 168.am-ը ՀՀ ոստիկանությունից հետաքրքրվել էր՝ արդյոք նրա մահվան փաստով հարուցված քրեական գործի շրջանակներում կա՞ն մեղադրյալներ: Ի պատասխան, ՀՀ ոստիկանությունից տեղեկացրել են. «Դեպքի առթիվ նույն ՀՀ ոստիկանության քննչական գլխավոր վարչության Երևան քաղաքի քննչական վարչության Կենտրոնականի քննչական բաժնում ՀՀ քրեական օրենսգրքի 110 հոդվածի 1-ին մասով հարուցվել է քրեական գործ և կատարվում է նախաքննություն։
Քրեական գործով դեռևս որպես մեղադրյալ ներգրավված անձ կամ անձինք չկան։
Գործի նախաքննության ընթացքում կատարվել են մի շարք քննչական և դատավարական գործողություններ, այդ թվում՝ հարցաքննվել են բազմաթիվ անձինք, ինչպես նաև նշանակվել են փորձաքննություններ։ Քրեական գործի նախաքննությունը շարունակվում է»։
