Թյուրքալեզու երկրների ԽՎ-ի նախագահությունը Թուրքիայից անցնում է Ադրբեջանին
Ադրբեջանական APA լրատվական գործակալության փոխանցմամ՝ Թյուրքալեզու երկրների Խորհրդարանական վեհաժողովի նախագահությունը Թուրքիայից անցնում է Ադրբեջանին: Համապատասխան արարողակարգն այսօր անցկացվել է Բաքվում:
Նիստի ժամանակ ելույթ է ունեցել Թուրքիայի խորհրդարանի նախագահ Ջեմիլ Չիչեքը, ով ներկայացրել է կառույցում Թուրքիայի նախագահության ժամանակ կատարված աշխատանքները:
Դրանից հետո նա հայտարարել է, որ Թյուրքալեզու երկրների Խորհրդարանական վեհաժողովի նախագահությունը Թուրքիայից անցնում է Ադրբեջանին: Այն ընդունել է Ադրբեջանի խորհրդարանի նախագահ Օգտայ Ասադովը:
Թյուրքալեզու երկրների Խորհրդարանական վեհաժողովի կազմում ներառված է 4 երկիր՝ Թուրքիա, Ադրբեջան, Ղազախստան ու Ղրղզստան:
