Իրանը Թուրքիայից պահանջել է հետ վերցնել Միջազգային միջնորդ դատարան ներկայացրած հայցը
Թուրքական TRT Haber հեռուստաալիքի փոխանցմամբ՝ Թուրքիայի էներգետիկայի ու բնական պաշարների նախարար Թաներ Յըլդըզը հայտարարել է, որ Անկարան ու Թեհրանը քննարկելու են Թուրքիային մատակարարվող իրանական գազի գնի հարցը:
Նախարարի խոսքերով՝ իրանական պատվիրակությունը տվյալ հարցով հաջորդ շաբաթ ժամանելու է Անկարա: Յըլդըզն ընդգծել է, որ Իրանը Թուրքիայից պահանջել է հետ վերցնել Միջազգային միջնորդ դատարան ներկայացրած հայցը, ինչն անընդունելի է Անկարայի համար:
Յըլդըզը հավելել է, որ Իրանի նախագահ Հասան Ռոուգանիի թուրքական այցի ժամանակ իրանական պատվիրակությունն Անկարային առաջարկել է նոր պայմաններ, որոնց համապատասխան՝ կարող է նվազեցվել իրանական գազի գինը, սակայն այդ պայմանները շահավետ չեն Թուրքիայի հարցը:
