2015 թվականի հունվարի 1-ից Աֆղանստանում կմնա 700 վրացի զինծառայող
Грузия Online-ի փոխանցմամբ՝ Աֆղանստանում Վրաստանի զինված ուժերի կոնտինգենտը 2015 թվականի հունվարի 1-ից կկրճատվի կիսով չափ: Այս մասին լրագրողների հետ զրույցում հայտարարել է Վրաստանի անվտանգության ու ճգնաժամերի կարգավորման խորհրդի քարտուղար Մինդիա Ջանելիձեն.
«Մեր օրենսդրության համաձայն, դրա համար անհրաժեշտ են համապատասխան ընթացակարգեր: Այդ հարցում անպայմանորեն ներգրավվելու են Վրաստանի նախագահը, Անվտանգության խորհուրդն ու խորհրդարանը:
Դրա հետ մեկտեղ գոյություն ունի պլան, ըստ որի՝ հունվարի 1-ից Աֆղանստանում Վրաստանի զինված ուժերի կոնտինգենտը կրճատվելու է կիսով չափ և կազմելու է մոտավորապես 700 զինծառայող»:
