Մեկնարկել են վրաց-ամերիկյան Agile Spirit 2014 զորավարժությունները

Грузия Online-ի փոխանցմամբ՝ մեկնարկել են վրաց-ամերիկյան Agile Spirit 2014 զորավարժությունները: Այս մասին այսօր հայտնել է Վրաստանի ՊՆ-ը, ըստ որի՝ զորավարժություններն այսօր առավոտյան մեկնարկել են Թբիլիսիի մոտ ընկած «Վազիանի» ռազմաբազայում:

Դրանց մասնակցում է 550 վրացի զինծառայող և 350 ամերիկացի ծովային հետևակային: Զորավարժությունները միտված են Աֆղանստանում տարվող գործողությունների ժամանակ վրացական ու ամերիկյան զորքերի գործողությունների համակարգմանը և ընդհանրապես Վրաստանի զինված ուժերը ՆԱՏՕ-ի չափորոշիչներին հասցնելուն:

Զորավարժություններն անցկացվելու են երեք փուլով և ավարտվելու են հունիսի 19-ին: