Պենտագոնը ռազմական խորհրդատուներ է ուղարկում Ուկրաինա
Ukrinform-ի փոխանցմամբ՝ Վաշինգտոնը ռազմական խորհրդատուների խումբ է ուղարկում Ուկրաինա՝ գնահատելու և մշակելու ԱՄՆ-ի ու Ուկրաինայի զինված ուժերի միջև գործնական փոխգործակցության ծրագիր: Այս մասին հայտարարել է Պենտագոնի պաշտոնական ներկայացուցիչ Էյլին Լայնեզը.
«Ամերիկացի ռազմական խորհրդատուների խումբը շուտով կմեկնի Ուկրաինա՝ գնահատական տալու համար ռազմական ոլորտի բարեփոխումների շրջանակներում միջնաժամկետ ու երկարաժամկետ պահանջներին:
Այդ գնահատականը կլինի առաջին քայլը, որը կօգնի ձևավորել ու գործարկել ամուր ծրագիր՝ կապված ուկրաինական զորքերին զորավարժությունների, կրթության բարձրացման ու օգնության հատկացման մեծացման ուղղությամբ ԱՄՆ-ի ջանքերի հետ»:
Լայնեզը հիշեցրել է, որ Պենտագոնի բարձրաստիճան ներկայացուցիչները նախորդ շաբաթ արդեն իսկ Կիևում հանդիպել են իրենց ուկրաինացի գործընկերների հետ և քննարկել են պաշտպանական ոլորտում երկու երկրների երկարաժամկետ համագործակցության ամարապնդման հնարավոր ուղիները:
