Վատիկանում ավարտվել է Իսրայելի ու Պաղեստինի առաջնորդների «աղոթքային» աննախադեպ հանդիպումը
Ռուսական ИТАР-ТАСС լրատվական գործակալության փոխանցմամբ՝ երեկ Վատիկանում անցկացվել է պաղեստինա-իսրայելական «աղոթքային» աննախադեպ հանդիպում: Դրան մասնակցել են Իսրայելի նախագահ Շիմոն Պերեսը, նրա պաղեստինցի գործընկեր Մահմուդ Աբբասը, ինչպես նաև Հռոմի Պապ Ֆրանցիսկոսն ու Կոստանդնուպոլսի պատրիարք Բարդուղեմիոսը:
Երեք կրոնի ներկայացուցիչների աղոթքից հետո Ֆրանցիսկոսը հայտարարել է, որ խաղաղություն կառուցելու համար անհրաժեշտ է անգամ ավելի մեծ քաջություն, քան՝ ռազմական գործողություններ վարելիս: Ֆրանցիսկոսը, Սուրբ հողում խաղաղության գործընթացի վերսկսման կոչ անելուց բացի, հույս է հայտնել, որ կվերականգնվի քրիստոնեական միասնությունը:
Հանդիպման ավարտին Պերեսն ու Աբբասը երկրորդ անգամ սեղմել են միմյանց ձեռքն ու ողջագուրվել:
