Աքցանով և պտուտակահանով անծանոթը բերման է ենթարկվել շքամուտքի մոտից
Հունիսի 3-ին, ժամը 04.50-ին, ոստիկանության Արաբկիրի բաժնում հաղորդում էր ստացվել, որ Երևանի Ա. Խաչատրյան փողոցի 24 շենքի 2-րդ շքամուտքում մի մարդ ինչ-որ բան է կոտրում:
Մեկնած օպերատիվ խումբը բերման է ենթարկել 1953 թ. ծնված Ռաֆայել Մ.-ին, որի մոտ խուզարկությամբ հայտնաբերվել է ակցան և երկու պտուտակահան:
Պարզվել է, որ նա օգտվելով շքամուտքի առաջին հարկում տեղադրված մետաղյա պահարանի դռան բաց լինելու հանգամանքից` գողացել է էլեկտրական 6 անջատիչ, ապա աքցանով բացելով երկու մետաղյա պահարանները` կրկին փորձել է էլեկտրական անջատիչներ գողանալ, սակայն` չեն եղել:
Ռաֆայել Մ.-ն խոստովանել է հանցանքը:
Գողոնն առգրավված է:
Կատարվում է հետաքննություն:
ՀՀՈստիկանություն
