Սեռական հակում (Sexual addiction)
Երբ սեռական վարքի դրսևորումներն անցնում են օրինականության, ցանկության և ֆիզիկական կարիքի սահմանները, ապա այն համարվում է հակում և կարիք ունի հատուկ ուշադրության: Սեռական հակման պատճառով մարդ սեռական կյանքի վրա ծախսում է ավելի մեծ ուշադրություն, ժամանակ և էներգիա: Արդյունքում, տվյալ մարդը գնում է ընդդեմ իր արժեքներին և հավատալիքներն և ապրում է երկակի կյանքով:
Սեռական հակում ունեցողները (Sex addicts) հաճախ անկարող են հրաժարվելու կամ փոխելու իրենց սեռական հակումներն ու դրսևորումները: Այս մարդիկ մեծամասամբ տառապում են մարդկային և ինտիմ հարաբերության խնդիրներով: Նրանց ֆանտազիան կամ սեքսի նախապատրաստումն ավելի բուռն է, քան բուն սեքսը:
Սեռական հակումով մարդուն բնորոշ վարքագծերն են.
- Ինտերնետային (պոռնոգրաֆիա) կամ հեռախոսային «սեռական» կապերը
- Մարմնավաճառներից հաճախակի օգտվելը
- «Հատուկ» սեռական մերսումները
- Արտաամուսնական սեռական հարաբերությունները
- Բազմաթիվ զուգընկերներ ունենալը
- Հաճախակի մաստուրբացիաներ (ձեռնաշարժություն)։
Սեռական հակումն օրգանական խնդիր չէ, և այն չի լուծվում հաճախակի սեռական հարաբերություն ունենալու միջոցով: Այն ունի բարդ զգացական և հոգեբանական պատճառներ:
Բուժման համար օգնում են հոգեբանասեռական խորհրդատվությունները և հատուկ մեթոդների կիրառումը, որոնց միջոցով մարդը ժամանակի ընթացքում աստիճանաբար ձերբազատվում է այս հակումներից և վերադառնում նորմալ ապրելակերպի:
urolog.am
