Հալեպի հայաբնակ թաղամասերի վրա հարձակումները խրախուսվում են Թուրքիայի կողմից. ՀՅԴ Բյուրո
«ՀՅԴ բյուրոն դատապարտում է Հալեպի հայաբնակ թաղամասերի վրա վերջին օրերին հետզհետե ուժգնացող հարձակումները: Արդեն կասկած չի մնում, որ Սիրիայի իշխանությունների դեմ իբրև ընդդիմություն հանդես եկող ուժերի թիրախը բացառապես հայաբնակ թաղամասերն են:
Կան փաստեր, որ Հալեպի հայաբնակ թաղամասերի վրա սաստկացած հարձակումները խրախուսվում են հատկապես Թուրքիայի կողմից:
Դիմում ենք ընդդիմադիր այդ ուժերի վրա ազդեցություն ունեցող բոլոր արևմտյան պետություններին՝ անմիջապես իրենց լծակներն օգտագործելով դադարեցնել հայաբնակ թաղամասերի վրա հարձակումները:
Հակահայ հարձակումներում և գործած ոճրագործություններում մեղսակից են համարվելու բոլոր այն պետությունները, որոնք այդ արարքները կանխում:
Կոչ ենք անում Սիրիայի իշխանություններին անհրաժեշտ միջոցներ ձեռնարկել՝ հատկապես քրիստոնյա անզեն փոքրամասնությունների ֆիզիկական անվտանգությունն ապահովելու համար: Կոչ ենք անում նաև համայն հայությանը՝ հնարավոր բոլոր միջոցներով սատարել հակահայ արարքների դադարեցմանն ուղղված ՀՅԴ Հայ դատի հանձնախմբի և գրասենյակների նախաձեռնություններին:
ՀՅԴ բյուրո
