Ամբողջությամբ այրվել է «ՎԱԶ-2109» մակնիշի ավտոմեքենա
Հունիսի 5-ին, ժամը 00.54-ին ահազանգ է ստացվել այն մասին, որ Շիրակի մարզի Գյումրի քաղաքի Ախուրյանի խճուղում՝ գազալցակայանի մոտակայքում, այրվում է ավտոմեքենա:
Դեպքի վայր է մեկնել մեկ մարտական հաշվարկ:
Պարզվել է, որ Սևյան փողոցի թիվ 51 հասցեի մոտակայքում այրվում է «ՎԱԶ-2109» մակնիշի 07SՕ588 պ/հ ավտոմեքենան (պատկանելիությունը չի հաջողվել պարզել):
Հրդեհը մեկուսացվել է ժամը 01.10-ին, մարվել՝ 01.29-ին: Ավտոմեքենան ամբողջությամբ այրվել է:
ՀՀ Արտակարգ իրավիճակների նախարարություն
