Թումանյան քաղաքում բացվել է կարի նոր արտադրամաս. lorinews.am

lorinews.am-ի փոխանցմամբ՝ Թումանյան քաղաքում, «Դիակոնիա» հոլանդական ծրագրի շրջանակում բացվել է կարի արտադրամաս, որտեղ աշխատում է տասնհինգ մարդ:

Քաղաքապետարանը արտադրամասի տարածք է հատկացրել և լուծել մասնաշենքի վերանորոգման հարցերը:

Արտադրամասի հիմնական միջոցները հատկացրել է «Դիակոնիա» ընկերությունը, ինչպես նաև սկզբնական շրջանում աշխատելու համար արտադրամասին ապահովել է անհրաժեշտ հումքով /կտոր, թել/:

Առաջին պատվիրատուն եղել է հենց «Դիակոնիա»ընկերությունը, որը 20 կոմպլեկտ սպիտակեղենը գնել և նվիրել է Սպիտակի գիշերօթիկ դպրոցին:

Ներկայումս արտադրամասն ունի մի քանի պատվիրատու:

Թումանյանի քաղաքապետարանի պատվերով տեղի նախադպրոցական հաստատության համար կարում են անկողնային պարագաներ:

Արդեն իսկ կան կանացի արտահագուստի պատվերներ, ինչպես նաև Վանաձորի մանկապարտեզներից մեկի` երեխաների հանդեսի տոնական զգեստներ կարելու համար կա պատվեր:

Մանրամասներն՝ այստեղ