Իլհամ Ալիևն ընդունել է Ավիգդոր Լիբերմանին
Ադրբեջանական Turan լրատվական գործակալության փոխանցմամբ՝ Ադրբեջանի նախագահ Իլհամ Ալիևն ընդունել է Իսրայելի արտգործնախարար Ավիգդոր Լիբերմանին: Հանդիպման ժամանակ կողմերը գոհունակություն են հայտնել տարբեր ոլորտներում երկկողմ կապերի զարգացման կապակցությամբ:
Լիբերմանի հետ հանդիպել է նաև Ադրբեջանի արտգործնախարար Էլմար Մամեդյարովը: Լիբերմանի խոսքերով՝ Իսրայելի ու Ադրբեջանի միջև գոյություն ունեն սերտ հարաբերություններ. «Ադրբեջանում մեզ համար գլխավոր հարցն այն է, որ այստեղ ապրում են հրեաներ, գործում է հրեական համայնք: Այդ համայնքը կամրջի դեր է խաղում երկու երկրների միջև»:
