Ուկրաինայի զինված ուժերը բերվել են մարտական լիովին պատրաստության. Տուրչինով
ZN.UA-ի փոխանցմամբ՝ Ուկրաինայի զինված ուժերը բերվել են մարտական լիովին պատրաստության՝ կապված Ռուսաստանի կողմից հարձակման սպառնալիքի հետ: Այս մասին կիևում մարզպետների հետ հանդիպման ժամանակ հայտարարել է Ուկրաինայի Գերագույն ռադայի նախագահ, երկրի նախագահի պաշտոնակատար Ալեքսանդր Տուրչինովը:
Նրա խոսքերով՝ ներկա դրությամբ գոյություն ունի իրական վտանգ, որ Ռուսաստանը պատերազմ կսանձազերծի Ուկրաինայի ցամաքային հատվածի դեմ. «Մենք կանխատեսում եմ դիվերսիայի փորձեր: Մեր հետախուզության տվյալներով, Ռուսաստանը դրանք պատրաստում է հենց մայիսյան տոներին:
Արդեն իսկ հրաման է տրված յուրաքանյուր մարզում տարածքային պաշտպանության գումարտակ ձևավորելու մասին: Դրա համար էլ ես հանձնարարում եմ, որ յուրաքանչյուր մարզպետ պարտավոր է մանրակրկիտ իմանալ իր մարզի պաշտպանական պլանների մասին»:
Տուրչինովը չի բացառել, որ անհրաժեշտության դեպքում զորքերը մի մարզից տեղափոխվեն մյուս մարզ:
