Իլհամ Ալիևն ընդունել է Ուկրաինայի ու Վրաստանի նախկին նախագահներին

Ադրբեջանական Trend լրատվական գործակալության փոխանցմամբ՝ Ադրբեջանի նախագահ Իլհամ Ալիևն այսօր ընդունել է Ուկրաինայի նախկին նախագահ Վիկտոր Յուշչենկոյին:

Հանդիպման ժամանակ ընդգծվել է Բաց համայնքների գլոբալ երկրորդ ֆորումի կարևորությունը, վստահություն է հայտնվել, որ ֆորումն իր ներդրումն է ունենում տարածաշրջանային ու միջազգային համագործակցության ընդլայնման գործընթացում:

Ադրբեջանի նախագահն այսօր ընդունել է նաև Վրաստանի նախկին նախագահ Միխեիլ Սաակաշվիլիին: Հանդիպման ժամանակ քննարկվել է նույն ֆորումի դերը երկու երկրների միջև համագործակցության զարգացման մեջ: