Պրահայում Սերժ Սարգսյանի ելույթից հետո Իլհամ Ալիևը պաշտպանել է Թուրքիային. APA
Ադրբեջանական APA լրատվական գործակալության փոխանցմամբ՝ Հայաստանի նախագահ Սերժ Սարգսյանը Պրահայում «Արևելյան գործընկերության» գագաթաժողովի շրջանակներում երեկ ունեցած ելույթում քննադատել է Թուրքիային:
Դրա հետ կապված՝ Ադրբեջանի նախագահի աշխատակազմի՝ արտաքին կապերի բաժնի պետ Նովրուզ Մամեդովը Twitter-ի իր միկրոբլոգում գրել է, որ Հայաստանի նախագահին պատասխանել է Ադրբեջանի նախագահ Իլհամ Ալիևը.
«Դուք օգտվում եք միջոցառմանը Թուրքիայի բացակայությունից: Ձեզ հայտնի է, որ Թուրքիան ներկայացված չէ այստեղ և օգտվում եք դրանից: Սակայն այստեղ եմ ես և պատասխանում եմ ձեզ»:
