Աջ քաշի կայնի, որդյակս. «ՀԺ»
«ՀԺ»-ն գրում է. «Երեկ Երեկոյան Երևանի փողոցներում մի պետավտոտեսչության մեքենա էր ճռռիկներ անում։
Լուսային, ձայնային ազդանշաններով նա ճանապարհ էր բացում մի «Մերսեդեսի» համար, որը սլանում էր լեռնադահուկորդի հետագիծ հիշեցնող մանյովրներով և Շումախերին հիշեցնող՝ արագությամբ։
«Մերսեդեսը» Ամենայն հայոց կաթողիկոսի ծառայողական մեքենան էր։ Վեհափառ հայրապետը ինչ-որ տեղ էր շտապում սեփական հոտի ներկայացուցիչների ապշած հայացքների ներքո։ Իսկապես տարօրինակ էր Վեհափառի խիստ տարբերվող համարանիշերով այդ մեքենան տեսնել նման վիճակում, տեսարանն ամբողջական լինելու համար մնում էր պատուհանից հնչեր «Ջան ախպերս, ջա’ն. ջա’ն. ջա’ն»,- գրում է «հայկական Ժամանակը»։
