Իրանա-ադրբեջանական սահմանին զինված միջադեպ է գրանցվել. կա 4 զոհ
Ադրբեջանական APA լրատվական գործակալության փոխանցմամբ՝ ադրբեջանա-իրանական սահմանին գրանցվել է զինված միջադեպ: Այս մասին հայտնել է Oyannews կայքը:
Վերջինիս հաղորդմամբ՝ միջադեպը գրանցվել է ապրիլի 21-ի գիշերը, Իրանի Արդեբիլ նահանգի Հորուզլու գյուղի մոտ: Տեղաբնակները հայտնել են, որ անհայտ անձինք հարձակում են գործել իրանա-ադրբեջանական սահմանի անցակետի վրա, ինչից հետո տեղի է ունեցել զինված բախում:
Դրա հետևանքով սպանվել է 4 մարդ, որոնցից մեկը ոստիկան է, իսկ մյուսը՝ զինվորական: Մնացյալ երկուսը քաղաքացիական անձինք են: Իրանի ոստիկանությունն ու անվտանգության ուժերը ներկայումս հետաքննություն են անցկացնում դեպքի վայրում:
