ԱՄՆ-ը սպառնում է խստացնել Ռուսաստանի դեմ պատժամիջոցները
Ռուսական ИТАР-ТАСС լրատվական գործակալության փոխանցմամբ` ԱՄՆ-ը կարող է վիզային ու տնտեսական պատժամիջոցներ կիրառել Ռուսաստանի ևս մի քանի տասնյակ քաղաքացիների նկատմամբ, եթե Մոսկվան շարունակի Ուկրաինայի հանդեպ իր քաղաքականությունը, որին կտրականապես առարկում է Վաշինգտոնը:
Այս մասին ճեպազրույցի ժամանակ հայտարարել է ԱՄՆ պետդեպարտամենտի մամուլի ծառայության պետ Ջեն Փսակին: Նա հավելել է, որ Վաշինգտոնի կարծիքով` իր նշած տասնյակ անձինք չեն օգնում Ուկրաինայի ճգնաժամի կարգավորմանը:
